03:17, 08 Декабри 2019
соат бо вақти Душанбе, GMT+5
Муассисаи давлатии
"Ҷаҳоннамо"

Тақвим

<< < Декабр 2019 > >>
Дш Сш Чш Пш Ҷм Шб Яш
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Ҳамкорон





 

Обу ҳаво

Мизи мудаввар ба ифтихори 1250-солагии Ҳаким Тирмизӣ ва 1150- солагии Закариёи Розӣ

Дар Донишкадаи политехникии Донишгоҳи техникии Тоҷикистон

ба номи Муҳаммад Осимӣ дар шаҳри Хуҷанд ба ифтихори 1250-солагии Ҳаким Тирмизӣ ва 1150- солагии Закариёи Розӣ мизи мудаввар доир гардид. Зафар Раҳмонов, мудири кафедраи умумитаълимии донишкада чорабиниро ифтитоҳ намуда, қайд кард, ки арҷ гузоштан ба осори гаронмояи ин мутафаккирони барҷаста барои боз ҳам баланд бардоштани эҳсоси худшиносӣ такони ҷиддӣ хоҳад дод. Абӯбакр Шодиев номзади илмҳои фалсафа ва номзади илмҳои таърих Мӯътабар Ғозиева дар бораи зиндагӣ ва осори ин файласуфон маърӯза намуданд. Зимни суханронии ин нафарон гуфта шуд, ки бо вуҷуди гузашти беш аз 1000 сол то ҳанӯз асарҳои безаволи ин донишмандон дар илми муосир аз ҷумла, тибб ва иқтисодиёт фаровон истифода мешавад. Ҳаким Тирмизӣ ҳамчун олим, файласуф ва тасаввуфшинос замони дар қайди ҳаëт буданаш зиëда аз 400 асарҳои илмӣ таълиф намудааст. Ҳамчунин забон ва фарҳанги миллати тоҷик ва форсро ба оламиён муаррифӣ кардааст. Закариёи Розӣ ҳамчун донандаи хуби илмҳои тибб дар Мовароуннаҳр ва дигар ақсои олам машҳур гаштааст. Дар фарҷоми мизи мудаввар байни донишҷӯён ва устодон мубодилаи афкор сурат гирифт.